Tróndur Leivsson er 57 ára gamal og útbúgvin landbúnaðarfrøðikandidatur frá 1985. Tróndur hevur drúgvar arbeiðsroyndir innan m.a. landbúnað, skógarrøkt og umhvørvið, og hevur harumframt drúgvar og viðkomandi leiðslu- og fyrisitingarligar royndir frá almenna geiranum, har hann síðani 1987 hevur verið stovnsleiðari og seinni deildarleiðari á Skógrøkt Landsins.

Tróndur Leivsson byrjar í starvinum tann 1. september 2015.

Búnaðarstovan ynskir Tróndi Leivssyni vælkomnum.
Á myndini sæst Tróndur (hm) saman við einum íslendskum starvsfelaga. Lerkatræið, teir standa framman fyri, er upprunaliga úr Føroyum, men er nú í Íslandi og verður brúkt í royndarvirksemi har.