ULLARMÓTTØKA Í SUÐUROY Á SUMRI 2024

Tikið verður móti ull á Drelnesi dagarnar 20. og 21. august 2024. Móttøkan verður opin soleiðis:

Týsdagin 20. august, frá kl. 16.00 til kl. 20.00

Mikudagin 21. august, frá kl. 9.00 til 17.30

Ynskiligt er, at ullin er í stórsekkjum, men tað er ikki eitt krav. Annars er sama galdandi, sum tá ull verður latin inn til Búnaðarstovuna í Kollafirði:

Ullin skal vera turr og nosslig og stungin í reinar posar.

Tikið verður ikki ímóti vátari ull. Ull við skræpu ella málingarrestum í, pesjur (fleirárða ull), ull við ov nógvum mosa, bosi ella eyri í, og ull við fremmandalikamum í (t.d. restir av bótum, tráði o.tíl.) verður somuleiðis vrakað. Ansi eftir at taka hetta frá, áðrenn komið verður við ullini.

Hava tit ikki latið ull inn fyrr, vinarliga havi so hesar upplýsingar klárar, tá ti koma við ullini: Navn, føðingardagur ella V-tal og konto nr. at flyta gjaldið fyri ullina á.