STRÁFÓÐURSTUÐUL, ÚTGOLDIÐ RESTINA TIL FJÓSINI

Eftir at landsstýrismaðurin avgjørdi ikki at gera broytingar í kunngerðini og reglunum um stráfóðurstuðul fyri 2014, hevur Búnaðarstovan flutt fjósunum tað, sum eftirhildið varð í fyrru útgjaldingini. Útgjøldini hesuferð byggja á umsóknarbløðini fyri 2014 og eru eftir sama leisti og lutfalli, sum fyrra gjaldið. Gjørt varð so skjótt av sum til bar soleiðis, at peningurin skuldi verið á kontu umsøkjarans fyri jól.