140x140

ÁSEYÐAROYTING 2015

Mikudagin 8. juli vóru vit í áseyðaroyting á Búnaðarstovuni. Umframt tað vanliga arbeiðið, varð seyðurin vigaður og vektirnar skrásettar. Hetta hava vit gjørt fleiri ferðir seinastu árini. Úrslitið vísir, at lombini vóru betur fyri í fjør enn í ár, og eisini var lambatalið minni í 2015 enn í 2014.
 
Sammeta vit fýra tey seinastu árini, er munurin hesin:
 
Ár
2012
2013
2014
2015
Dato
3. juli
3. juli
9. juli
8. juli
Miðalvekt í kg.
20,81
19,9
24,6
22,56
 
Rokna vit síðan við, at dagligur vøkstur er 250 g, er munurin millum 2014 og 2015 hesi:
 
Ár
2014
2015
Dato
9. juli
8. juli
Miðalvekt í kg.
24,6
22,81
 
 
 
 
 
 
 
 
Tað merkir, at lombini vigaðu 1,79 kg meira somu tíð í fjør.
 
Vektirnar á lombunum í áseyðaroyting:
 
Lombini á Hvilvt vóru fyrstu ferð vigaði tann 08.07.15.
 
Vektirnar á tvílembulombunum:
 

Í Sunnastu Gongu eru 22 tvílembulomb – í Miðjuni 12 tvílembulomb – við Svartá 6
tvílembulomb og á Hvilvt eru 2 tvílembulomb
Sí annars vektirnar í mai.
 
Afturat teimum vanligu skrásetingunum vóru blóðroyndir tiknar av lombunum, fyri á hendan hátt at kunna ala okkum burtur úr ridluskriðanum. Eisini bleiv helvtin av lombunum í Miðjuni og í Sunnastu roytt. Hetta er fjórða árið av fimm árum, har lomb verða roytt, fyri at fáa kunnleika um, um hetta ávirkar flettivektina á heystardegi.
Ærsvektirnar higartil fyri 2015 síggja soleiðis út:
 

 
Til stuttleikar kann nevnast, at miðal prosent vøksturin á lombunum frá lembing til 26. mai, var 42%, meðan miðal prosent vøksturin á lombunum frá 26. mai til áseyðaroyting 9. juli, tað er 43 dagar, var 48%. Eisini kunnu vit nevna, at tyngsta lambið í ár vigaði 31,5 kg í mun til 40 kg í fjør. Tað minsta lambið í ár vigaði 11,5 kg í mun til 10 kg í fjør.    
Samanumtikið vóru ærnar toluliga væl fyri og høvdu hampiliga filing. Tó vildi tað ikki verði skeivt at fari á fjall nakað seinni, tá hugsa verður um filingina, men heilivágurin má eisini gevast, og í ár hava ærnar brúk fyri øllum stimbrandi eftir hendan harða veturin og ringa summarið.

 

« Aftur

Búnaðarstovan · Frammi í Dal 166 · FO-410 Kollafjørður · Føroyar · Tel. (+298) 479 000 · Fax (+298) 479 020 · bst@bst.fo
EAN nr.: 5797100000522 · V-tal: 403369