NPA VERKÆTLAN - AVRENNING AV TØÐUM

Búnaðarstovan luttekur í einari norðureuropeiskari verkætlan WaterPro, sum snýr seg m.a. um fyribyrging av dálking av vøtnum, áum, løkum og sjógvi. Okkara partur í verkætlanini er í høvuðsheitum um árin á náttúru av taðing. Verkætlanin er fíggjað av Northern Perifery and Arctic Program.

Í hesum sambandi hevur Búnaðarstovan gjørt nakrar royndir og skrásetingar av møguligari taðingardálking í Føroyum. Ráðstevnur hava verið fyriskipaðar í Írlandi og Svøríki í sambandi við verkætlanina. Ætlanin er at skipa fyri ráðstevnu í Føroyum næsta vár.

Í summar var Rólvur Djurhuus, landbúnaðarráðgevi á verkætlanarfundi í Edinburg, har allir verkætlanarluttakararnir hittust. Fundarfrásøgn á enskum kann lesast her.

Í verkætlanini luttaka

• Savonia University of Applied Sciences, Verkætlanarleiðarar (Finland)

• Geological Survey of Finland (Finland)

• Luleå University of Technology (Svøríki)

• Agricultural University of Iceland (Ísland)

• Lough Neagh Partnership (Norðurírland)

• Agri-Food and Biosciences Institute (Norðurírland)

• Heriot Watt University (Skotland)

• Donegal County Council (Írland)

• Búnaðarstovan (Føroyar)

Til ber at fylgja verkætlanini á Facebook á

https://www.facebook.com/waterproproject/?fref=ts