ULL TIL SØLU
Búnaðarstovan lýsir við hesum ullina, sum savnað varð inn í Ullarmóttøkuni í 2020, til sølu.
Talan er um góða, føroyska ull, ið er flokkað í 2 flokkar eftir dygd:
1. flokkur: ull skild í 6 ymiskar náttúrulitir: hvítt, ljósagrátt, myrkagrátt, ljósamorreytt, myrkamorreytt og flekkut.
2. flokkur: ull í litblanding.
Ullin í 1. flokki er skild og góðskumett eftir gomlum siði til at vera av bestu dygd. Ullin í 2. flokki er skild frá, serliga tí at hon er nakað tøvd, ella at nakað av mosa/bosi er í henni.
Ullin er samfingin og ikki vaskað, men er natúrliga rein og nosslig. Turra ullin er pakkað í stórballir, sum flestar viga um 200 kg hvør, onkrar tó minni ella meira. Ballurnar máta umleið: 80 x 80 x 140/150 cm.
Neyvt yvirlit er til taks her, sum vísir hvørja ballu sær við ávikavist nummari, vekt, flokki, og fyri 1. flokk somuleiðis liti.
Nøgdin, sum verður seld, er hendan:
|
|
Litur: |
Hvítt |
Ljósagrátt |
Myrkagrátt |
Ljósamorreytt |
Myrkamorreytt |
Flekkut |
|
Fyrsti flokkur: |
Tal av ballum: |
35 stk. |
23 stk. |
14 stk. |
6 stk. |
12 stk. |
20 stk. |
|
|
Kilo íalt: |
7.750 kg |
5.078 kg |
3.183 kg |
1.368 kg |
2.665 kg |
4.548 kg |
|
|
|
|
|
|
|
|
|
|
|
Litur: |
Litblanding |
|
|
|
|
|
|
Annar flokkur: |
Tal av ballum: |
10 stk. |
|
|
|
|
|
|
|
Kilo íalt: |
1.977 kg |
|
|
|
|
|
Sølutreytir:
Ullin verður seld sambært skrivligum, bindandi boði, ið skal latast Búnaðarstovuni í seinasta lagi 6. november 2020 kl. 15.00.
Búnaðarstovan miðar eftir einum minstaprísi áljóðandi ávikavist kr. 7,00 pr. kg av ull í 1. flokki og kr. 1,50 pr. kg av ull í 2. flokki, umframt MVG.
Tað hevur alstóran týdning fyri Búnaðarstovuna at selja alla ullina. Tí skilar Búnaðarstovan sær rætt til at velja tað ella tey tilboð framum, ið samlað sæð veitir/veita bestu søluinntøkuna fyri alla ullina á hesum sinni.
Netto kontant gjald seinast 10 yrkadagar frá fakturadato; veitir keyparin í hesum tíðarskeiði bankatrygd fyri fakturaupphæddini, kann Búnaðarstovan veita 12 mðr. gjaldsfreist. Eftir falna freist er Búnaðarstovan í allar mátar leys av avtaluni.
Vøran kann heintast við framvísing av gjaldskvittan/bankatrygd fram til í seinasta lagi 1 mðr. eftir fakturadato; eftir falna freist er Búnaðarstovan í allar mátar leys av avtaluni.
Vøran kann heintast gerandisdagar Ex Works (Incoterms 2010) lagur hjá Búnaðarstovuni, Frammi í Dal 166, FO-410 Kollafjørður, Føroyar.
Ósemjur skulu viðgerast í Føroya Rætti.
Heldur keyparin ikki sølu- og gjaldstreytirnar, tilskilar Búnaðarstovan sær óskerdan rætt at ógilda søluna til viðkomandi.
Meira fæst at vita á Búnaðarstovuni. Áhugað kunnu venda sær til Dortheu Joensen á tlf. 299019 ella t-post: dj@bst.fo
« Aftur