Tilmæli 2016

Út frá royndunum, sum Búnaðarstovan gjørdi við eplaveltunum í 2015, verður mælt til at brúka hesi setepli í vár:

Til flagveltu:

Destiny: nýtt slag, hvít, reyð eygu, mjølvut, smakka væl, geva nógv, miðal stór epli

Folva: mest brúkta etingarepli í Norður Evropa, hvít, miðal mjølvut, geva nógv hvørt ár, eplini hava passandi stødd

Hanna: hvít, miðal mjølvut, eitt sindur ójavna úrtøku, tó sum oftast yvir miðal, nógv stór epli, tíðliga vaksin

Cimega: nýtt slag, gul, stór eplI, vaksa væl

Oleva: reyð, mjølvut, smakka væl, miðal stødd, gevur javnt nógv, kunnu goymast leingi

Raja: reyð, mjølvut, vælsmakkandi, vøkur epli, miðal stødd, gevur javnt nógv, mótstøðufør móti svartaspillu!

Esmee: reyð, ikki mjølvut, geva nógv, stór epli

Carolus: nýtt slag, hvít við reyðum eygum, mjølvut, smakka væl, miðal úrtøku, mótstøðufør móti svartaspillu!

Til moldveltu:

Tey somu sum til flagveltu, tó veksur Raja ikki so væl í sandjørð og verður ofta skurvut.